بقلمي (إلى صديقي مع التحية)

هذه أحدى كتاباتي عندما كنت في الصف السادس الأعدادي نقلتها لكم بدون تنقيح


الى صديقي مع التحية .......


وحكك مانسيتك لا تظن فد يوم
وما لحظة التمر وتغيب عن عيني

وكل لحظة التمر طيفك يعيش وياي
ومثل دمي انته تجري بكل بشراييني

وتدري انكط وفه من الجدم حد الراس
وماخون بصديجي بيوم تدريني

ولك عطشان لاجن مو عطش للماي
عطشان آنه الك شوفتك ترويني

وتدري آنه اوصلك لو انته وسط الموت
واذا تعبت اجدامي ازحف على ايديني

عشرتي وياك مثل النظر وي العين
وعشت وياك احلى ايامي وسنيني

وتعرفني بالشده ويه الصديج شلون
افزع بالشدد مايوم اتوانه

واذا صار الفشك وانطكت الجيلات
كون آنه اليطيح ويحمي خوانه

كونك ترد سالم خل يجيني الموت
تعرفني الخلك حماي صحبانه

وجرّب لو ردت تنخالك احد يوم
تلكاني اليجيك مسرفن اردانه

عمت عين الوكت فاركني عنك ليش
وصرت هسه انته وين ووين هسه آنه

لجن رغم المسافة وقسوة الأيام
مو آنه الخسيس الينسه صدكانه

كل ساعة التفوت اذكر عشرتي وياك
وليلية اعلى بابك روحي سهرانه